प्रा. संतोष निकम

मी प्राध्यापक संतोष निकम, एका मध्यमवर्गीय, कष्टाळू आणि सुसंस्कृत कुटुंबातून आलेला, आपल्या प्रभागातील सर्वसामान्य नागरिकांचा आवाज म्हणून अपक्ष उमेदवार म्हणून आपल्यासमोर उभा आहे.

माझे पाझे कुटुंब हे मूळचे शेतकरी कुटुंब असून आमची जडणघडण कष्ट, प्रामाणिकपणा आणि माणुसकी या मूल्यांमध्ये झाली आहे. वडील नोकरीनिमित्त नाशिकमध्ये स्थायिक झाल्यामुळे मी और माझे कुटुंब इथेच वाढलो. मला एक भाऊ आणि एक बहीण असून आम्ही तिघेही शिक्षण आणि मेहनतीच्या आधारावर पुढे आलो. कुटुंबातील साधेपणा, संस्कार आणि व्यवहारिकता यांनीच मला समाजकार्यात उतरायला प्रेरित केले.

शिक्षण क्षेत्रात अनेक वर्षे काम करताना मी विद्यार्थ्यांचे प्रश्न, पालकांच्या अपेक्षा आणि नागरिकांच्या गरजा अत्यंत जवळून अनुभवल्या. त्यामुळे मला जाणवलं की प्रभाग 10 च्या विकासासाठी प्रामाणिक नेतृत्व आणि सातत्याने लोकांसोबत राहून काम करणारा प्रतिनिधी आवश्यक आहे.

आपल्या प्रभागातील प्रमुख अडचणी सर्वांना स्पष्ट आहेत
• रस्ते, गटार आणि पाणीपुरवठ्याची योग्य देखभाल
• स्वच्छता व आरोग्य सुविधांचे उन्नतीकरण
• मुलांच्या शिक्षणासाठी चांगल्या सुविधा
• महिला सुरक्षा आणि रोजगार संधी
• युवकांसाठी कौशल्याधारित मार्गदर्शन
• नागरिकांच्या कामांमध्ये पारदर्शकता आणि जलद सेवा

या सर्व प्रश्नांवर, राजकीय पक्षांची ढाल न घेता थेट जनतेशी निष्ठा ठेवून काम करणेच खरे लोकप्रतिनिधित्व आहे, असा माझा ठाम विश्वास आहे. म्हणूनच मी अपक्ष उमेदवार म्हणून प्रभाग 10 मधून उभा आहे.

आपल्या प्रत्येक मतामध्ये माझ्यासाठी केवळ समर्थन नसून आपण माझ्यावर ठेवलेला विश्वास, अपेक्षा आणि प्रभाग 10 च्या उज्वल भविष्यासाठी दिलेली एक जबाबदारी असेल. मी ही जबाबदारी पूर्ण प्रामाणिकतेने आणि दृढनिश्चयाने पार पाडेन.

आपला,
प्रा. संतोष निकम
अपक्ष उमेदवार, प्रभाग 10
नाशिक महानगरपालिका निवडणूक – 2025

शिक्षण माझ्यासाठी केवळ नोकरी साधन नसून मानवजातीचा सर्वात मजबूत विकासाचा पाया आहे. या श्रद्धेने मी माझा शैक्षणिक प्रवास पूर्ण केला. पदवी (BE) आणि पदव्युत्तर शिक्षण (M.Tech) उत्कृष्ट गुणांनी पूर्ण केले शिक्षण क्षेत्रातील व्यावसायिक प्रशिक्षण घेतले विद्यार्थ्यांसाठी कौशल्य-विकास, करिअर मार्गदर्शन आणि तंत्रज्ञान आधारित शिक्षण उपक्रम राबवले शेकडो विद्यार्थ्यांसोबत थेट काम करत त्यांच्या प्रगतीत योगदान दिले आज मी शिक्षक म्हणून समाजात सकारात्मक बदल घडवण्याचा प्रयत्न करीत आहे आणि हाच अनुभव प्रभागाच्या विकासातही उपयोगात आणण्याची इच्छा आहे.

शिक्षक म्हणून काम करताना मला विद्यार्थ्यांच्या, पालकांच्या आणि सर्वसामान्य नागरिकांच्या समस्या अत्यंत जवळून समजल्या. त्यातूनच मला जाणवले की योग्य, प्रामाणिक आणि जनतेसोबत सदैव खंबीरपणे उभे राहणारे नेतृत्व प्रभागाच्या विकासासाठी अत्यावश्यक आहे.

राजकारणात माझी वाटचाल ही पद, सत्ता किंवा प्रतिष्ठा मिळवण्यासाठी नव्हे, तर समाजासाठी आणि सामान्य नागरिकांसाठी प्रामाणिक काम करण्याच्या ध्येयातून सुरू झाली. सुरुवातीपासूनच मी स्थानिक प्रश्न, नागरिकांच्या समस्या आणि शैक्षणिक विकास यासाठी विविध उपक्रम राबवले. समाजातील तरुणांना योग्य मार्गदर्शन, कौशल्यविकास आणि रोजगार संधी मिळाव्यात यासाठी अनेक कार्यक्रम आयोजित केले.

शेतकरी कुटुंबातून येत असल्याने, शेतकरी, मध्यमवर्ग आणि सर्वसामान्य नागरिकांचे प्रश्न मला जवळून समजतात. प्रभागातील रस्ते, पाणी, गटार, स्वच्छता आणि नागरिकांच्या अडचणी सोडवण्यासाठी मी सतत स्थानिक पातळीवर प्रशासनाशी संवाद साधत आलो आहे. मला कोणत्याही पक्षाचे राजकारण सोयीचे वाटले नाही, कारण पक्षापेक्षा जनतेशी प्रामाणिक निष्ठा माझ्यासाठी अधिक महत्त्वाची आहे. त्यामुळेच मी अपक्ष राहून लोकांसाठी काम करणे हा मार्ग निवडला. गेल्या काही वर्षांपासून मी प्रभागातील नागरिकांमध्ये विकास, शिक्षण आणि पारदर्शक व्यवस्थेबाबत जागरूकता निर्माण करत आहे.

राजकीय क्षेत्रात प्रवेश करताना माझा फक्त एकच हेतू “सत्तेसाठी नव्हे, तर सेवेसाठी काम करणारा लोकप्रतिनिधी बनणे.

माझे स्पष्ट उद्दिष्टे (Goals)
🔸 सर्वांगीण प्रभाग विकास : रस्ते, पाणीपुरवठा, गटार व स्वच्छता या मूलभूत सेवांची 100% सुधारणा नागरिकांच्या दैनंदिन अडचणींवर वेळेवर आणि पारदर्शक उपाय

🔸 शिक्षण आणि कौशल्य विकास :  विद्यार्थ्यांसाठी फ्री मार्गदर्शन व स्कील ट्रेनिंग , महिलांसाठी आणि युवकांसाठी रोजगाराभिमुख कोर्सेस

🔸 आरोग्य आणि सुरक्षितता : प्रत्येक वस्तीमध्ये नियमित हेल्थ चेकअप कॅम्प, महिला आणि ज्येष्ठ नागरिकांसाठी विशेष आरोग्य उपक्रम प्रभागातील सुरक्षा व्यवस्थेत सुधारणा

🔸 महिला सबलीकरण :  महिलांसाठी स्वयंरोजगार प्रकल्प.,स्वरक्षण, आरोग्य आणि आर्थिक साक्षरता कार्यक्रम

🔸 युवकांसाठी संधी:  करिअर मार्गदर्शन, IT-ट्रेनिंग, रोजगार माहिती खेळ आणि सांस्कृतिक उपक्रमांना प्रोत्साहन

🔸 पर्यावरण संवर्धन :  वृक्षारोपण, पाणी बचत आणि प्लास्टिक मुक्ती मोहिमा, स्वच्छ आणि हिरवे नाशिक निर्माण करण्यासाठी उपक्रम

🔸 पारदर्शक आणि जबाबदार प्रभाग प्रशासन :  कोणत्याही पक्षाच्या दडपणाशिवाय जनतेला केंद्रस्थानी ठेवून निर्णय नागरिकांसोबत थेट संवाद ठेवण्यासाठी प्रत्यक्ष भेट-सेवा केंद्र (Help Desk)

माझा दृष्टिकोन (Vision)
“सुजाण, सुरक्षित, स्वच्छ आणि सर्वसमावेशक प्रभाग 10” माझा दृष्टिकोन अत्यंत स्पष्ट आहे  प्रभागाचा प्रत्येक नागरिक आपल्या अधिकारांसाठी निडर, संधींसाठी सक्षम आणि जीवनमानासाठी समाधानी असावा.

🔸 जनतेशी निष्ठा मी अपक्ष उमेदवार आहे कारण निर्णय आणि कामांमध्ये फक्त नागरिकांचा फायदा आणि प्रामाणिकता माझी मूलभूत तत्त्वे आहेत.

🔸 विकास हा केवळ कागदावर नव्हे, प्रत्यक्षात दिसणारा हवा प्रत्येक वस्तीमध्ये समतोल विकास, पायाभूत सुविधा आणि सेवा उपलब्ध करून देणे.

🔸 युवक आणि महिलांनी सक्षम असलेला प्रभाग युवकांना रोजगार, महिलांना उद्यमशीलता हे दोन स्तंभ मजबूत केल्याशिवाय प्रभागाचा विकास पूर्ण होऊ शकत नाही.

🔸 स्वच्छ आणि सुशोभित प्रभाग निर्माण करणे आरोग्य, पर्यावरण आणि स्वच्छता हे माझ्या कामाचे तीन मुख्य आधारस्तंभ असतील.

🔸 प्रत्येक घराशी जोडलेली जबाबदारी प्रभागातील प्रत्येक नागरिकाचा प्रश्न हा माझा वैयक्तिक प्रश्न असेल. त्यावर उपाय मिळेपर्यंत मी थेट उपस्थित राहणार आहे

स्थानिक समस्या (Local Issues)

🔸 रस्ते व वाहतूक समस्या :  अनेक आंतरिक रस्त्यांची दुरुस्ती अत्यंत निकृष्ट, खड्डे, वाहतूककोंडी आणि अंधाऱ्या रस्त्यांमुळे अपघाताचा धोका,वस्तीतील रस्त्यांवर डांबरीकरण वेळेवर न होणे .

🔸पाणीपुरवठा व गटार समस्या :  पाणीपुरवठ्यात अनियमितता, जुन्या गटार लाइनमुळे वारंवार चोक होणे, पावसाळ्यात ड्रेनेज ओव्हरफ्लो

🔸स्वच्छता व कचरा व्यवस्थापन :  वॉर्डातील काही भागांमध्ये कचरा नियमितपणे उचलला जात नाही, नाले-गटाराची सफाई वेळेवर न होणे घनकचरा वर्गीकरणाबाबत जनजागृती कमी.

🔸आरोग्य सुविधा अपुऱ्या : जवळपास प्रभावी सार्वजनिक आरोग्य केंद्रांचा अभाव, महिलाओंसाठी आणि ज्येष्ठ नागरिकांसाठी विशेष आरोग्य उपक्रम नसणे, डेंग्यू/मलेरिया मोसमी काळात वाढलेले त्रास .

🔸महिलांच्या सुरक्षेचे प्रश्न : रस्त्यांवर सीसीटीव्ही कमी, रात्री अंधारे रस्ते, आपत्कालीन मदत सुविधा (महिला हेल्पडेस्क) नाही

🔸 युवक आणि विद्यार्थ्यांच्या संधी कमी : कौशल्यविकास केंद्रांचा अभाव, मार्गदर्शन आणि रोजगार संधी मर्यादित, खेळ आणि क्रीडांगणांचे अभाव

🔸 सार्वजनिक सुविधा कमजोर : उद्याने, बसण्याची सोय, व्यायामशाळा, सार्वजनिक शौचालये कमी, अनेक ठिकाणी स्ट्रीट लाइट नसणे

🔸 पर्यावरणाशी संबंधित समस्या:  प्लास्टिक कचऱ्याची वाढ, वृक्षसंवर्धन कमी, वायू/ध्वनी प्रदूषण वाढ

प्रस्तावित उपाययोजना (Proposed Plans & Solutions)

✅  रस्ते आणि पायाभूत सुविधा विकास :  सर्व खराब व आंतरिक रस्त्यांचे निश्चित मुदतीत दर्जेदार डांबरीकरण, प्रत्येक वस्तीमध्ये स्ट्रीट लाइट्सची व्यवस्था, वाहतूककोंडी कमी करण्यासाठी बायपास आणि वन-वे रूट्सची योजना

✅ पाणी व गटार सुधारणा योजना: पाणीपुरवठा वेळेवर आणि समान वितरण सुनिश्चित करणे, जुने गटार लाइन बदलणे आणि नवीन ड्रेनेज नेटवर्क विकसित करणे, पावसाळ्यापूर्वी 100% गटार व नाले सफाई अभियान

✅ स्वच्छता व आरोग्य उपक्रम :  दैनंदिन कचरा संकलनाची मजबूत व्यवस्था , “स्वच्छ प्रभाग 10 मिशन” – प्रत्येक वस्तीमध्ये स्वच्छता स्वयंसेवक, नियमित फ्री हेल्थ कॅम्प, रक्तदान शिबिरे, आरोग्य जागृती मोहिमा, डेंग्यू/मलेरिया प्रतिबंधासाठी विशेष मोहीम

✅ महिला कल्याण व सुरक्षा :  प्रत्येक प्रमुख चौकात सीसीटीव्ही नेटवर्कचे विस्तार, “महिला सुरक्षा हेल्प डेस्क” ची स्थापना, स्वरक्षण प्रशिक्षण आणि महिलांसाठी कौशल्याधारीत कोर्सेस

✅ युवक व विद्यार्थ्यांसाठी उपक्रम : “कौशल्य विकास आणि रोजगार मार्गदर्शन केंद्र” सुरू करणे , संगणक कौशल्य, टेक्निकल कोर्सेस आणि जॉब ट्रेनिंग, युवकांसाठी स्पोर्ट्स फंड निर्माण करणे आणि क्रीडा साहित्य वाटप

✅ सार्वजनिक सुविधा सुधारणा : उद्यानांचे नूतनीकरण आणि नवीन उद्याने निर्माण, सार्वजनिक शौचालये व पीिण्याच्या पाण्याची व्यवस्था, वरिष्ठ नागरिकांसाठी वॉकिंग ट्रॅक आणि बसण्याची सोय

✅ पर्यावरण संवर्धन :  “हरित प्रभाग 10 उपक्रम” – वृक्षारोपण व वृक्षसंवर्धन, प्लास्टिक बंदी व पर्यावरण जनजागृती मोहीम, सांडपाणी व कचरा व्यवस्थापनात आधुनिक तंत्रज्ञान

✅  पारदर्शक आणि जबाबदार प्रशासन :  नागरिकांसाठी थेट संपर्क हेल्प डेस्क,  प्रत्येक तक्रारीसाठी ट्रॅकिंग सिस्टम , विकासकामांची माहिती जनतेसमोर पारदर्शकपणे उपल

नाव: प्रा. संतोष निकम
रहिवास: अशोक नगर, सातपूर , नाशिक
संपर्क क्रमांक: 1234567890
इमेल : santosh@gmail.com